Estamos a tope de ENERXÍA para o 2024 e a asociación vén cargada cunha novidade explosiva para todas as persoas membros da asociación! Agarrádevos ben, ímosvos presentar… un BOLETÍN DE NOVAS que fará voar as vosas cabezas!

Neste boletín revelaremos todas as accións e segredos que a asociación está a tramar na sección DESCOBRE AS NOVAS QUE MARCARON O PRIMEIRO TRIMESTRE DO ANO!: desde CAMPAÑAS que vos deixarán coa boca aberta ata ACTIVIDADES que vos farán saltar da cadeira e FORMACIÓNS que non poderedes deixar escapar por nada do mundo. Espectacular! 

Outra sección será: ATENCIÓN SOCI@S! IDEAS QUE PODEN SER INTERESANTES PARA TI! Un espazo especial reservado para vós, as persoas socias, no que atoparedes novas que vos farán tremer de emoción. Todas as VANTAXES que atopemos dende a asociación serán publicadas, como o caso dos descontos para as persoas co carné +65. Tódalas vantaxes das que poidades desfrutar para atraer a clientela!  Pois si, neste boletín atoparédelas. O obxectivo é que teñades toda a INFORMACIÓN a un clic de distancia, SEMPRE DISPOÑIBLE para vós na nosa web. 

E para rematar, temos un ESPAZO INTERACTIVO: COMPARTE, CONECTA E CREA: o Teu Espazo para Intercambiar Ideas con Outr@ Soci@s! onde a túa creatividade será a protagonista. Tes ideas novas que desexas compartir? Propostas para facer da nosa asociación un lugar aínda máis incrible? Desde descontos en servizos para as persoas asociadas a Comercio Punto Compostela CCA, ata ideas de colaboracións con outros establecementos (como a acción de “12 meses, 12 sensibilidades”, por exemplo). 

Calquera idea é benvida! Adiante! 

Enviade a secretaria@elcomerciodegalicia.com todo o que queirades compartir con nós e as demais persoas socias e fagamos que isto sexa un saco de ideas xeniais. 

O obxectivo aquí é abrir as portas á innovación, á participación e, sobre todo, á asociación máis aínda entre nós!